Seriya: TypeScript Basics Dars 77

tsconfig.json

TypeScript'da tsconfig.json: loyiha sozlamalari fayli, tuzilishi, React + Vite uchun real misol, asosiy compilerOptions, extends bilan meros olish va amaliy maslahatlar.

77-dars

tsconfig.json

tsconfig.json — bu TypeScript loyihasining sozlamalar fayli. U TypeScript'ga qaysi fayllarni tekshirishni, kodni qanday JavaScript'ga aylantirishni va qanchalik qattiq tekshiruv qilishni aytadi.

Hayotiy o'xshatish: oshpazning retsepti. Masalliqlar (fayllar) bir xil bo'lsa ham, retsept (sozlamalar) natijani belgilaydi.

Fayl loyihaning ildiz papkasida turadi. U bor papka TypeScript loyihasi deb hisoblanadi.

Yaratish

npx tsc --init

Tuzilishi (asosiy 3 qism)

{
  "compilerOptions": {
    // kompilyator qanday ishlashi
  },
  "include": ["src"],         // qaysi fayllar tekshiriladi
  "exclude": ["node_modules"] // qaysilari tashlab ketiladi
}

tsconfig.json'da izoh (//) yozish mumkin — oddiy JSON'dan farqi shu.

Real misol (React + Vite loyihasi)

{
  "compilerOptions": {
    "target": "ES2022",
    "module": "ESNext",
    "moduleResolution": "bundler",
    "lib": ["ES2022", "DOM"],
    "jsx": "react-jsx",
    "strict": true,
    "noUnusedLocals": true,
    "noUnusedParameters": true,
    "skipLibCheck": true,
    "noEmit": true,
    "paths": {
      "@/*": ["./src/*"]
    }
  },
  "include": ["src"]
}

Asosiy sozlamalar nima qiladi (qisqacha)

Sozlama Vazifasi
target Qaysi JS versiyasiga kompilyatsiya qilish
module Import/export qaysi formatda bo'lishi
moduleResolution Import'dagi faylni qanday qidirish (75-dars)
lib Qaysi tayyor type'lar mavjud (DOM, ES2022)
strict Barcha qattiq tekshiruvlarni yoqish
outDir Tayyor JS fayllar qayerga yoziladi
noEmit JS fayl yaratmaslik, faqat tekshirish (bundler o'zi kompilyatsiya qilsa)
skipLibCheck .d.ts fayllarni (asosan node_modules'dagi) tekshirmaslik, build tezlashadi
paths Import yo'llari uchun alias'lar (76-dars)

extends: boshqa config'dan meros olish

{
  "extends": "./tsconfig.base.json",
  "compilerOptions": {
    "outDir": "dist"
  }
}

Monorepo yoki bir nechta loyihada umumiy sozlamalarni takrorlamaslik uchun ishlatiladi. compilerOptions'dagi sozlamalar asosiy config ustiga yoziladi.

Eslab qoling

  • Yangi loyihada doim "strict": true qo'ying.
  • Vite yoki Next.js ishlatsangiz, ular tsconfig'ni o'zi yaratib beradi, uni noldan yozish shart emas.
  • Sozlamani o'zgartirgandan keyin xatolar chiqmasa, IDE'da TS serverni qayta ishga tushiring (VS Code: "TypeScript: Restart TS Server").